როგორ შევქმნათ ონლაინ მაღაზია? – ყველა ეტაპი

საკუთარი ონლაინ მაღაზიის გახსნა ბიზნესის გაფართოების, ახალი ბაზრების მოძიებისა და პარტნიორების მოზიდვის საშუალებას იძლევა. დეველოპერების არჩევისას მნიშვნელოვანია გვესმოდეს ვებსაიტის შექმნის ძირითადი პრინციპები.

თითოეულ კომპანიას საკუთარი ხედვა აქვს იმის შესახებ, თუ როგორ უნდა განვითარდეს ვაბგვერდი სტრუქტურულად.

პირველი ნაბიჯი – მომზადება

ნებისმიერი ბიზნეს პროექტი იწყება მონაცემთა ანალიზით – ესენი ბაზრის, პროდუქტისა და კონკურენტების კვლევა.

ყველაფერი იწყება ნიშის არჩევით. ეს აადვილებს ვებსაიტის განვითარებას, მის პოპულარიზაციას და ზოგადად, ბიზნესის წარმატებას.

აუცილებლად გაანალიზეთ საქონელზე მოთხოვნა. ამაში Google Trends-ისა და Serpstat-ის მონაცემები დაგეხმარებათ.

ნიშის განსაზღვრის შემდეგ, შეგიძლიათ მოახდინოთ კონკურენტების იდენტიფიცირება და გაანალიზოთ მათი მოქმედებები ბაზარზე.

ამისთვის გამოგადგებათ Serpstat ინსტრუმენტები.

მნიშვნელოვანია, უპასუხოთ შემდეგ კითხვებს კონკურენტების შესახებ:

სავარაუდოდ რამდენი კონკურენტი ეყოლება თქვენს ონლაინ მაღაზიას?

რა ბრენდებს ყიდიან თქვენი ნიშიდან კონკურენტები?

როგორია მათი საფასო პოლიტიკა?  საქონელს საშუალო საბაზრო ფასად ყიდიან თუ უფრო ძვირად ან იაფად?

რამდენად მოსახერხებელი კატალოგია თითოეული კონკურენტის ვებსაიტზე?

შეგიძლიათ სწრაფად იპოვოთ რაიმე პროდუქტი?

ინფორმაციას დაემატება კონკურენტების SEO ანალიზი.

რა არის ონლაინ მაღაზიის შექნის შემდეგი ნაბიჯები?

დაგეგმვა, შემსრულებლების შერჩევა.

ამ ეტაპზე სამი მნიშვნელოვანი გადაწყვეტილების მიღებაა საჭირო:

აირჩიეთ, ვისგან შეუკვეთავთ ვებგვერდის დამუშავებას.

განსაზღვრეთ ბიუჯეტი.

დააწესეთ პროექტის განხორციელების ვადები.

იმისთის, რომ თქვენი ვებგვერდის განვითარება სანდო ხელში იყოს, შეისწავლეთ რაც შეიძლება მეტი შეთავაზება.

აირჩიეთ ისეთი სააგენტოები, რომლებაც კარგად შემუშავებული, მომხმარებლისთვის მოსახერხებელი ვებსაიტები აქვთ.

შეხედეთ პორტფოლიოს, მოძებნეთ მათ მიერ გაწეული სამუშაოს მაგალითები.

იკითხეთ, რა ტექნოლოგიას იყენებს კონკრეტული სტუდია ონლაინ მაღაზიის შესაქმნელად? როგორ ესმით მათ ონლაინ მაღაზიის განვითარება და განხორციელება?

შეისწავლეთ კომერციული შეთავაზება და კონტრაქტი. დასვით კითხვები და დააკვირდით, როგორ ურთიერთობენ ისინი თქვენთან.

როგორ განვსაზღვროთ ბიუჯეტი?

მნიშვნელოვანია განისაზღვროს მაქსიმალური თანხა, რომლის დახარჯვასაც აპირებთ ონლაინ მაღაზიის განვითარებაზე. ასევე აუცილებლად შეისწავლეთ ბაზარზე არსებული ფასები. ეს ინფორმაცია დაგეხმარებათ ბიუჯეტში გარკვევასა და სამუშაო პირობების ისე დარეგულირებაში, რომ შეამციროთ სამუშაოს ღირებულება.

რა დრო სჭირდება ონლაინ მაღაზიის შექმნას?

ბევრი სტუდია აცხადებს პრეტენზიას ონლაინ მაღაზიის 1-3 კვირაში შექმნაზე. ეს მხოლოდ იმ შემთხვევაშია შესაძლებელი, თუ საიტი შაბლონების საფუძველზე შეიქმნება. ეს ბიუჯეტის მხრივაც კარგი ვარიანტია, თუ თქვენს მაღაზიას რთული სტრუქტურა არ აქვს დიდი რაოდენობით კატეგორიებითა და პროდუქტებით.

ონლაინ მაღაზიის განვითარების სრული გეგმის განსახორციელებლად და მაღალი ხარისხის ვებსაიტის მისაღებად კი მინიმუმ 2 თვეა საჭირო, რაც თქვენს ბიზნეს გეგმაში უნდა გაითვალისწინოთ.

შემდეგი ნაბიჯი – მარკეტინგული კვლევა და სტრატეგია

ამ ეტაპზე შემსრულებლები სწავლობენ დამკვეთის ბიზნესს. სააგენტოს მარკეტერი და SEO სპეციალისტი აანალიზებს პროექტს და ადგენს სტრატეგიულ მიზნებს, რომლებიც საიტმა უნდა შეასრულოს.

მარკეტინგული კვლევის ძირითადი კომპონენტები:

პროდუქტის შესწავლა

დეველოპერული ჯგუფი სწავლობს პროდუქტის მახასიათებლებს, რომელთა გაყიდვასაც გეგმავს დამკვეთი;

ტენდენციის ანალიზი

მარკეტერები სწავლობენ პროდუქტზე მოთხოვნას, მის სეზონურ რყევებს და ზოგად დინამიკას.

შემდეგი ნაბიჯია სამიზნე აუდიტორიის განსაზღვრა

თქვენი გაყიდვები წარმატებული იქნება მხოლოდ იმ შემთხვევაში, თუ იცით, ვის შესთავაზოთ პროდუქტი. რაც უფრო ზუსტია პოტენციური კლიენტის პროფილი, მით უფრო ადვილია წარმატებული მარკეტინგული სტრატეგიის შემუშავება და მაღალი კონვერტაციის მქონე ვებსაიტის შექმნა.

ტექნიკური მითითებების მიცემა

მნიშვნელოვანია, ვებგვერდის შემქმნელებს მისცეთ შემდეგი მითითებები:

საიტის სტრუქტურის დიაგრამა, კატეგორიებისა და ქვეკატეგორიების სია, საინფორმაციო გვერდები ონლაინ მაღაზიაში;

საიტის ფერის სქემა;

სტილი და ცნობები დიზაინის განვითარებისთვის;

ძრავა (CMS) ან ჩარჩო, რომელზეც საიტი იმუშავებს;

ფუნქციების სრული სია, რომელიც ექნება ონლაინ მაღაზიას (შეკვეთის ფორმა მოდულით, კალათა ონლაინ შოპინგისთვის, პირადი ანგარიში, მიწოდების მეთოდის არჩევა, ფილტრები პროდუქტების საძიებლად და მრავალი სხვა);

საიტის ტექნიკური დეტალები, რომლებიც მნიშვნელოვანია მაღაზიის შემდგომი SEO პოპულარიზაციისთვის (ეს შეიძლება იყოს URL-ის სტრუქტურა, მოთხოვნები robots.txt ფაილზე და ა.შ.);

ინტეგრაციები, რომლებიც უნდა განხორციელდეს (CRM, ბაზრები, ელექტრონული ფოსტის სერვისები);

დამატებითი მარკეტინგული ფუნქციები (ლოიალობის პროგრამა, შვილობილი პროგრამა, განყოფილება ბონუსებით და ფასდაკლებით).

ონლაინ მაღაზიის შექმნის დეტალური პროექტი მნიშვნელოვანია ორივე მხარისთვის – მომხმარებლისთვის და დეველოპერისთვის.

შემდეგი ნაბიჯია – დიზაინის შემუშავება, განლაგება და პროგრამირება

სამუშაო პირობების დამტკიცების შემდეგ, დიზაინერი იწყებს მუშაობას. მოცანაა საიტი გახდეს მიმზიდველი, ცნობადი და ვიზიტორებისთვის მოსახერხებელი.

პროგრამისტები ქმნიან:

მენიუს და ყველა ძირითად გვერდს;

დინამიურ ფილტრებს პროდუქტების საძიებლად;

პროდუქტის ბარათის სტრუქტურას;

პირად ანგარიშს, შეკვეთის განთავსების მოდულს, მიწოდებისა და გადახდის არჩევას;

საიტის სხვა ფუნქციებს.

კონტენტის დამატება

ამის შემდეგ, საიტზე უნდა განთავსდეს კონტენტი. ამისთვის, პროგრამისტების პარალელურად SEO სპეციალისტი და ქოფირაითერი მუშაობს. საიტის სტრუქტურიდან გამომდინარე, SEO სპეციალისტი აგროვებს სემანტიკურ ბირთვს და ტექნიკურ დავალებებს აძლევს ქოფირაითერს.

დატესტვა

საიტის კლიენტებისთვის წარდგენამდე, ხდება მისი ტესტირება. QA სპეციალისტები ამოწმებენ, რამდენად აკმაყოფილებს ონლაინ მაღაზია ტექნიკური მახასიათებლების მოთხოვნებს და რამდენად სტაბილურია ის.

დომენისა და ჰოსტინგის შერჩევა

ონლაინ მაღაზიის შექმნისა და გაშვების პროცესი მოიცავს საიტის დომენის შერჩევას და ჰოსტინგს. საიტის სტაბილურობა დამოკიდებულია ჰოსტინგის სანდოობაზე. სერვერს უნდა ჰქონდეს ენერგიის დიდი მიწოდება და ადგილი დისკზე, რომ საიტმა გამართულად იმუშაოს დიდი დატვირთვის დროსაც, მაგალითად, საახალწლო ფასდაკლებებზე.

დამატებითი სერვისების დაკავშირება

როდესაც ონლაინ მაღაზია მზად იქნება, დაიტესტება და კონტენტით შეივსება, მისთვის დამატებითი სერვისების დაკავშირების დრო დგება. კავშირის პროცესი მარტივი და სწრაფია. ყველა მოქმედებას SEO სპეციალისტი ასრულებს 10-15 წუთში.

პოპულარიზაცია

როდესაც ონლაინ მაღაზიის განვითარების ყველა ძირითადი ეტაპი დასრულდა, შეგიძლიათ დაიწყოთ მისი აქტიური პოპულარიზაცია.

ონლაინ მაღაზიის სარეკლამო არხებია: SEO; კონტენტ მარკეტინგი; PPC; პროდუქტის რეკლამა Google-ში; SMM.

ონლაინ მაღაზიის გახსნამდეც კი მნიშვნელოვანია იმის გაგება, თუ როგორ გამოიყენებთ თითოეულ ინსტრუმენტს.

დასკვნა:

ანალიტიკა და მოსამზადებელი სამუშაოები დაახლოებით ნახევარი გზაა იდეიდან ვებსაიტამდე, რომელიც გამართულად იმუშავებს და მოიტანს გაყიდვებს. ონლაინ მაღაზიის პროექტის ფრთხილი და დაფიქრებული განვითარება წარმატების საწინდარია. გააზრებული დიზაინი, საიტის ტექნიკური SEO ოპტიმიზაცია და კარგად გააზრებული პოპულარიზაციის სტრატეგია გახდება ის საფუძველი, რომელზეც წარმატებული ბიზნესი იარსებებს.