ამ სტატიაში გთავაზობთ ინსტრუქციას, თუ როგორ უნდა გაუშვათ ინსტაგრამზე რეკლამა Reels-ის სახით:
შედით Facebook-ის სარეკლამო ექაუნთში და მიჰყევით Ads Manager-ის ბმულს, რომელიც ეკრანის ქვედა მარცხენა მხარეს მდებარეობს.
Ads Manager-ში დააჭირეთ ღილაკს „შექმნა“, რომ დაიწყოთ სარეკლამო კამპანია.
აირჩიეთ კომპანიის მიზნებიდან ერთ-ერთი. რილსისთვის ხელმისაწვდომი მიზნებია: კონვერსია, მოცვა, ტრაფიკი, ვიდეოს ნახვები, ბრენდის ცნობადობა და აპლიკაციების ინსტალაცია.
ამის შემდეგ, უნდა გადახვიდეთ შემდეგ პარამეტრზე – „განთავსებები”.
შემდეგ აირჩიეთ განთავსების ადგილი. აქ ორი არჩევანია – Instagram Stories და Instagram Reels.
უნდა გაითვალისწინოთ, რომ რეკლამისთვის დაშვებულია მხოლოდ ვიდეოკონტენტი. სტატიკური სურათით კამპანიას ვერ გაუშვებთ, თუმცა ფოტოებისგან აწყობილი ვიდეოს გამოყენება შესაძლებელია.
ამის შემდეგ დააჭირეთ ღილაკს „შემდეგი” და გააგრძელეთ რეკლამის შექმნა.
ეკრანის მარცხენა მხარეს არის ჩანართი სახელწოდებით „ახალი რეკლამა”. მიჰყევით მას და გააგრძელეთ საჭირო პარამეტრების შეყვანა.
ვიდეოს შექმნის მეთოდის არჩევანი დამოკიდებულია სერვისის ან პროდუქტის ტექნიკურ შესაძლებლობებსა და სპეციფიკაზე.
არსებობს ამის რამდენიმე ხერხი:
1.მზა ვიდეოს ატვირთვა
- მისაღები ფორმატები: MP4, MOV.
- რეკომენდებული ვიდეო ასპექტის თანაფარდობა: 9:16.
- გარჩევადობა: 500×888 პიქსელიდან.
- შეკუმშვის სტანდარტი: H.264.
- ხმა: სტერეო AAC შეკუმშვის ფორმატში, ბიტრეიტი არანაკლებ 128 Kbps.
- ვიდეოს წარწერა: არაუმეტეს 72 სიმბოლოსა, მათ შორის ინტერვალით.
- მაქსიმალური ზომა: 4 GB.
ატვირთვა:
უნდა დავუბრუნდეთ რეკლამის მენეჯერის ინტერფეისს რეკლამის ჩანართში.
„მედია ფაილების” განყოფილებაში დააჭირეთ ღილაკს „ვიდეოს დამატება”. თქვენს წინაშე გაიხსნება ჩამოტვირთვის ფორმა, რომელიც მოგთხოვთ აირჩიოთ ვიდეო. სასურველი ვიდეოს არჩევის შემდეგ, დაადასტურეთ ჩამოტვირთვა.
თუ ვიდეო აკმაყოფილებს ყველა ზემოაღნიშნულ მოთხოვნას, ის დაუყოვნებლივ ჩამოიტვირთება. თუ ფორმატი არ არის შესაფერისი, მაშინ ამ ეტაპზე თქვენ გექნებათ მისი მოჭრის შესაძლებლობა.
გამოქვეყნება:
ვიდეოს გამოქვეყნებამდე დაამატეთ აღწერა და საჭირო URL. შემდეგ დააჭირეთ „გამოქვეყნებას”.
2.ვიდეოს აწყობა სურათების გამოყენებით
ვიდეოს შესაქმნელად დაგჭირდებათ 2-დან 15 სურათამდე. უმჯობესია გამოიყენოთ კვადრატული ფორმის სურათები.
ატვირთვა
უკვე ნაცნობ „მედია ფაილების” განყოფილებაში აირჩიეთ ღილაკი „ვიდეოს შექმნა”.
ამის შემდეგ გადახვალთ ვიდეო რედაქტორში, სადაც უნდა აირჩიოთ შაბლონი. უმჯობესია გამოიყენოთ მოქნილი შაბლონი, რადგან ის მოერგება კრეატიულს ნებისმიერ მოწყობილობას.
ვიდეო რედაქტორში მარცხნივ აირჩიეთ საჭირო სურათები და შეინახეთ არჩევანი.
ვიდეო უფრო მიმზიდველი რომ გახდეს, შეგიძლიათ დამატებითი პარამეტრების გამოყენება. შაბლონზე ღილაკი „რედაქტირება“ საშუალებას მოგცემთ დააკონფიგურიროთ სურათებს შორის გადასვლები, თითოეულის ჩვენების ხანგრძლივობა და დაამატოთ სტიკერები და ჩარჩოები. ყველა ცვლილების განხორციელების შემდეგ დააჭირეთ ღილაკს „ვიდეოს შექმნა“.